[Davart il far daischa]
p. 20 / Anno 1828 ils 2 de mars ei vegniu cun tscharna della ludeivla vischnaunca faitg che nagin deigi de caudenvia pinar daischa ellas tschetgias, resalvau far pals per necessari de clauder.
p. 22 / Anno 1829 ils 15 de mars: Daischa deigi vegnir faitg ner pinada mo giud lenna gronda ner mieuncha. Vi detscheimeun ei schau tier era giud pigniola, aber schar ils tschupials.
p. 68 / Eisei era sil di et on sco sura [1838 ils 24 de carcladur] faitg ad ordonau unitamein da buca schar far daischa dachau naven sut nagin tetel, aschi ditg sco la vischnaunca urdeina buca autravisa, giut plontas grondas ner pintgias. Tgi che contrafa, dei vegnir censuraus.
[Sarar uauls cumins]
p. 68 / [1838 ils 24 de carcladur] eisei proponiu che Pentira vischnaunca ne schadin roht duesi sarar jn toch uaul cumin a schar crescher ora la lena. Ei vegniu ordinau che mintgia roht deigi sepasar ensemen a sentelgir tgei a nua fusi il pli reschaneivel a bein faitg da sarar. Suenter ver concludiu giu ils rohts, tgei a cho els lesen a manigiasen, sche dejen ei dar lur raport al ludeivel oberkeit, a quel dei ponderar tgei po valer, a suenter era reportar alla vischnaunca la qualla sapi per Iura decider quei ch’ela anfla per bien. Quei dei aber dils rohts vegni faitg en tarmin da d’in meins d’oz naven .
Classenas
p. 363 / Ils 25 da matg 1862 ei suenter ina liunga discussiun vigniu concludiu .
1. Tutta classena sto de cheu denvia vignir nudada ora dil förster de vischnaunca et marcada cun igl marti d’uault.
2. De cheu daven ston tuttas spartidas cun lena denter orts et maises calar si, et veng per tallas concediu negina lena pli.
3. De cheu daven sa buca vignir concludiu ne lubiu de clauder ora novs orts ne maises.
Las propositiuns de far fender la classena, sco era de scomendar mo nova classena denter maises et finalmein il lubir de poder clauder ora orts et maises encunter ina bonificatiun de 1-1 \ frs. la tschuncheisma ei tut ristau en minoritat .
Uordert d’uauls
1. Tuts nuelgs ston en praus de casa vegnir baghigiai de crap, num ch’enzatgi sapi mussar ora, ch’ei seigi buca pusseivel. In ludeivel oberkeit hat el davos cass de decider la pusseivladat ner nunpusseivladat.
2. Tgi che fa ils cantuns dil clavau de mir surveng dus francs per tschuncheisma.
3. In ludeivel oberkeit procurescha chi vegni barschau caltschina schigleiti scol necessari quantum per barschar ina caltgiera seigi daus en. La necessaria lena dat la vischnaunca neu a gratis. Leu encunter vegn denton per scadin salmè [dau] 30 cent. dico trenta centims en cassa de vischnaunca.
4. Ils nuelgs novs ston adina vegnir palancai cun lena rasgiada; leutier dat la vischnaunca la necessaria lena.
5. Ils irals de niev deien vegnir construi cun lena rasgiada, cun reserva dellas cassas. Leutier dat la vischnaunca la necessaria lena.
6. Per diever de § 4 e 5 veng la lena dada gratis, era sch’ella veng dada ord schetgias.
7. Classenas: De cheudenvia dei vegnir claus solet cun lena fandida. Concludiu denton ch’in ludeivel oberkeit deigi cun trer tier in per umens de scadin vischinadi signiar ora cun tiarms certs strechs uaul de tschafuna sper las seivs, ils quals uauls stuessen en prema lingia vegnir impondiu tier classenas; e per cura ch’in survignies en quels buca la necessaria classena, sche possien ins prender quella per fender ord auters uauls confinonts alias seivs.
Statalter Giachen Martin Deflorin.